Malawi: Uwahitanye Ishimwe Emile arafatwa aho bucyera

Hari mu rucyerera rwo kuwa 17 Ukwakira uyu mwaka, ni bwo inkuru mbi yumvikanye i Lilongwe ; ko umuherwe ISHIMWE Emile wagaragazaga ko yavutse 1991 ahitanywe n’impanuka y’imodoka ye, Minubus ifite numero KK 3519, yari itwawe na Rafiki ,mubyara w’uwahoze ari umugore we, GIRAMATA

Mu kiganiro kuri telefoni n’umutangabuhamya , ufite n’inshingano kuri iki kibazo, Umupolisikazi watabaje uwahoze ari umugore wa nyakwigedera, ahamya ko yiboneye Emile mbere y’uko ushiramo umwuka mu gihe cy’iminota igera nko kuri15.

EMILE YARI MUNTU KI ?

Uyu ISHIMWE Emile (amazina ari ku ndangamuntu ye yo mu Rwanda) yahoze yitwa UTAZIRUBANDA Emile akivuka 1985, nyuma aza kwiyita HABIMANA Noel ageze muri Malawi kugeza apfuye. Yari Mwene NTAHONDI Aburahamu, akaba na mukuru wa Claude HAKIZIMANA wiyise RUKUNDO, uwo yifashishije mu kuganaba ibye n’uwo batandukanye. Akaba yarabigabanije mo imirwi ine : Uwa se NTAHONDI, uwa Claude, uwa GIRAMATA n’uwe ubwe Emile.

Nyuma y’aho HABIMANA Noel (aya amazina ari mu byangombwa byo muri Malawi) wahoze witwa UTAZIRUBANDA Emile nabyo akabihindura akiyita ISHIMWE Emile (ubwo yafataga indangamuntu mu Rwanda) aho yagereye muri Malawi yabengutse GIRAMATA Gentille wabaga mu Rwanda, aramusaba aramukwa. Baje gushyingiranwa mu murenge wa Gatumba mu karere ka NGORORERO ku ya 16/01/2011. Amuzana muri Malawi barongera barasezerana i LILONGWE District, mu buryo bwo kugirango bihure n’uko yahindaguraga amazina n’imyaka y’amavuko.

Umubano we na Gentille, bita cyane GIRAMATA, waranzwe n’amakimbirane n’imanza z’urudaca. Nyuma y’aho bihwihwisirijwe ko HABIMANA Noel bitaga cyane Emile akurikiranyweho guhohotera uwitwa HAWA Hashim w’imyaka 17 akanamutera n’inda (n’ubwo atabihamijwe n’urukiko ngo kubw’ububasha yahabwaga n’umutungo we).

Nyuma yogutwara bunyago uwari umugorewe Giramata akamujyana mu ishyamba rya NATENJE kuwa 15 Kanama 2020 aho yamuhondaguriye akamunoza, byaje kurema uruhurirane rw’ibikorwa byo kwandagazwa kuri Giramata, no gukubitwa no ku mukomeretswa. Ni uko GIRAMATA utari unejejwe n’iyo mibereho arabikomatanya, nyuma yuko gukubitwa bunyamaswa kwahereye muri Mutarama 2020, bimurenze aregera ubutane.

Urwo rubanza rw’ubutane rwabaye itegeko mu mpera z’ukwezi kwa cumi na kumwe mu mwaka w’2021, ku isezerano ryakorewe i Lilongwe, kuko ukurikije urusobe ruri muri uku kubana no gusezerana kabiri n’umuntu umwe uhindagura amazina n’igihe yavukiye: Giramata akaba akiri umugore wa ISHIMWE Emile mu irangamimerere ryo muri Gatumba mu karere ka NGORORERO.

Batagoranye, GIRAMATA waburanye ubutane abana n’uwo ba buburana, Emile, mu rugo rumwe akabutsindira. Emile yageye kimwe cya kane cy’umutungo Giramata ; mu mutungo bashakanye ubarirwa muri Miliyari irenga y’amafaranga y’u Rwanda. Giramata abyakira anezerewe, ndetse bisubikisha urubanza bari bafite rw’imitungo,babyikorera uko Emile abitegeka, na Giramata atabirwanya. Emile anamwemerera ko ibizajya bitunga abana babyaranye azajya abigiramo uruhare rwa mirongo itatu ku ijana. Inama barayinoza , GIRAMATA anyaga amagara , dore ko yari yaravuye mu mu mazu yari aye na Emile mu ntangiro za Mutarama 2022, agacumbika nibura agacika inkoni ya Emile.

Ibyo byose byaratunganye, buri wese ajya mu buzima bwe, ndetse bigaragarira buri wese ubazi ko niba nabyo, ni uko bya byago bitera bidateguje : Impanuka ihitana Emile mu rukerera rw’itariki ya 17 Ukwakira. Iyi mpanuka GIRAMATA yamenyeshejwe na Polisi yari yakoze irondo ryo mu ijoro ryo kuwa 16 rishyira kuwa 17 Ukwakira uyu mwaka, imwiziringaho. Abari basanwze bamuhoza ku nkeke n’uko amagambo mabi y’ibitutsi ya Mukashema wari muramukazi we agaragara kuri aya mafoto yo muri Telefoni ya GIRAMATA, bamutuka urupfu rwa Emile.

UKURI KU MINOTA YA NYUMA Y’UBUZIMA BWA EMILE

Umupolisi witwa Frolent yagerageje guhamagara GIRAMATA mu rukerera rw’impakuka ya minubus KK3519.

Giramata ntabashe kumwitaba, dore ko hari mu rucyerera, maze ahagana i saa cyenda za mugitondo akamwoherereza ijwi (URTV ifite) rimubwira ko papa w’abana be amerewe nabi, gusa ntibyaje kubahira n’ubwo GIRAMATA yahageze ababyeyi ba Emile bahageze ngo Emile yabaciye mu myanya y’intoki yitaba Imana. Uwahuruje GIRAMATA yamubwiye ko ngo Emile yageze ku bitaro agihuzagurika asa n’ufite ubwenge , ndetse ngo yabashije kubabwira ati : YEGO… – azamura umutwe (atsindagira ibyo yavugaga azamura akuka bucye) ubwo Frolent (umopolisikazi utashatse gutangaza amazina ye yose n’ipeta rye ku bwakazi ke) yamubazaga ati uyu si Emile «wa muna ? » bivuze ngo uyu si bwana Emile ; kuko Giramata bamwita nawe Emile « wankazi » bivuze madamu Emile.

Ku murongo wa telefoni, Frolent yatangarije URTV ko ibyinshi kuri uru rupfu byasobanuka hamenyekanye uwagejeje Emile Wamuna (nkuko yabivugaga) kwa muganga. Yakomeje avuga ko Emile yakomeje kuba akiri muzima mu gihe kirenga iminota 15 ari kwa muganga.

Gusa ngo Rafiki we ntago Frolent ya mukubise ijisho kwa muganga. Florence MULUWA (amazina ari kuri Whatsapp ye° avuga ko yabonaga Emile yakomeretse cyane mu mutwe, akanagerageza ku mufotora, muganga akamuza.

GIRAMATA avuga ko yari yarananiranywe na Rafiki ndetse ngo Emile yari yaramutwaye abandi n’abandi basore babakoreraga bakibana , bajya gukomeza kuba ariwe bakorera, Rafiki rero akaba yari asigaye aba kwa Emile ndetse ngo iryo joro, Rafiki yari atwaye shebuja bisanzwe avuye gutaramira ku mugore bari bari mu rukundo witwa HAWA, gusa ngo kuko bari bishe akanyonda bose, boss Emile yahisemo ko Rafiki amutwara yiryamiye kuri matera inyuma mu modoka. Kuko hari hagari. Emile yari yarakuye mo intebe kubera kuyikoreshaga mu kazi k’ubucuruzi. Emile ngo yasabye Rafiki kunyaruka, nuko muri uko gutwara cyane hafamo iyo mpanuka yahise imutwara ubuzima.

Uru rupfu rero rwaje gutuma benewabo na Emile barangajwe imbere na mushikiwe umukurikira Mukashema bahiga bukware GIRAMATA bamushinja urupfu rw’uwo bari barashyingiranywe.

Umupolisikazi Florence MULUWA wavuganye na URTV ahamya ko ngo uyu mu ryango utanakozwa raporo ya polisi , mu gihe byanzuwe ko EMILE Wamuna yahitanywe ni mpanuka, kuko ngo imodoka yari imutwaye yarenze umurongo ugabanya umuhanda igakubita inkingi y’umuriro ya beto yari iri hakurya. Ibintu bihamya ko yirukaga cyane.

Giramata aganira na URTV nawe , akaba yavuze ko icyamukuyeho ibyo abamurenganya bamushinja kugeza ubu, ari uko Florence MULUWA (umupolisikazi wari ku irondo) ariwe wamushinjuye cyane ko yavuganye na nyakwigendera mbere y’uko umwuka uhera.

GIRAMATA afitiye ubwoba abo bamugereka ho urupfu rwa Emile, by’akamama, bashobora ku muhitana. Akaba agaragaza ko kwibasirwa kwe kose gutizwa umurindi na Ndahayo Obed, umuhoza ho iterabwoba ku bw’indonke z’uruhande rumukoresha .

Ndetse akanavuga ko aramutse ahohotewe haba uyu munsi cyangwa ejo byabazwa Obed na Mukashema n’abo bafatanije.

Florence MULUWA yashoje ikiganiro yagiranye na URTV kuri telephone cyamaze iminota 25 n’amasegonda 41nawe avuga ko Emile Wankazi ashobora guhohoterwa, ariko ngo ntacyo we yabikoraho.

Icyo kiganiro cyari mu rurimi rw’Icyongereza , aho yanavangaga mo amagambo nka “wamuna” na “wankazi” bivuga “madamu” na “bwana”, yagize ati : « nimba impanuka yahitanye Emile “Wamuna” yaba ari “(provocated)” incurano, byaba byarakozwe n’abafite inyungu ku mutungo yagabanye na Emili “Wankazi” kuruta uko yaba ari Emili “Wankazi ” byakekerwa ho, kuko nkibimumenyesha rwose , iby’iyo mpanuka, amarangamutima ye yari ari ku rwego rukabije ababajwe n’uko ibyo bibaye, kandi we nta n’inyungu zo ku muzungura abifitemo, kuko imitungo bari barayigabanye.

Doreko GIRAMATA Gentille aticuza ubutane ari we wabusabye, ntabe yaranagaye ibyo Emile yamugeneye, kuko iyo abigaya aba ataremeye ko bikorwa uko byakozwe, aba yarakomeje urubanza; rwo kubiburana.