Kubona ubu ingabo z’Uburusiya ziriko zigerageza gutera intambwe mu duce twinshi vyerekana ko ibibazo nk’ivy’intwazangabo zihagararira zikagenzura urugamba biriko biratorerwa umuti.
Ariko aba bategetsi bavuga ko Abarusiya bakirwanira ku mirongo miremire mu mabarabara yirebanga, ibi bigasigura ko babandanya baterwa. Ingabo za Ukraine nk’uko babivuga, “zibandanya zirwana n’ubwenge bwinshi kandi mu buryo bumeze neza”.
Imwe mu mirongo y’ingabo z’Uburusiya iracari miremire (cane cane mu bumanuko uvuye i Kharkiv) aha zigashobora guhura n’ibitero bivuye mu burengero.
Aba bategetsi bavuga ko Vladimir Putin “agifise amahirwe yo gutsinda”, agashika ku bintu bitandukanye, ariko babona ko ata na kimwe muri vyo gishobora gushikwako vuba.
Ibihugu vyo mu Burengero birabandanya bisuka imfashanyo za gisirikare muri Ukraine “muri ino ntambara imaze igihe kirekire …kumbure mbere igashobora kumara uno mwaka wose”.
Intambara yo muri Donbas ishobora kugenda neza ku Burusiya kandi, icoba kibi gusumba, ibi bigashobora gutuma busubira kuraba ingene bufata ibisagara bwari bwipfuje imbere y’intambara, nka Kyiv na Odesa.
Abategetsi bavuga ko ingabo z’Uburusiya zifise amahirwe menshi kuko ziruta ingabo za ukraine incuro zitatu zose, ariko vyinshi biva ku kungene Moscou ikoresha izi nguvu mu bwenge be n’ubushobozi bw’ingabo za Ukraine mu kwivuna – ari naco gituma ibihugu vyo mu Burengero birungika n’ibirwanisho bikomeye gusumba.
Uburusiya buracafise igitigiri kinini c’ingabo – hagati ya 5000 na 10.000 – mu karere ko mu micungararo ya Mariupol, ibi bigasigura ko habaye uruja n’uruza ruto canke rukaba rutanabaye ku ruhande rw’ingabo z’Uburusiya mu bumanuko, zari zitezwe ko zija gufasha gusatira ingabo za Ukraine i Donbas.
Abategetsi bavuga ko nimba Putin ashaka kwugara rwose Mariupol, ntibizoba ari ibintu vyoroshe kandi bizotuma izi ngabo zigira uruhara ruto mu rugamba rwo muri Donbas.
Abategetsi bavuga ko Uburusiya bwagabanije gukoresha misire zirasa kure za Iskander mu ndwi iheze, bakavuga ko Moscou ifise impungenge ku rugero zikoreshwako n’ubushobozi bwo kuzisubiriza.
NewLatter Application For Free
Nge ndasoma nkicecekera