Verisiyo y'ukuri: Ibyo ukeneye kumenya ku byerekeye imvugo "Kubura Shinge na Rugero"

Spread the love

Seen by: 85,154

Imisozi Shinge na Rugero iherereye mu ntara ya Kirundo

Usibye kuba “Kubura Shinge na Rugero” bisobanurwa ngo: “gutakaza umusozi wa Shinge na Rugero”, imvugo isobanura inkomoko “kutagira umuntu wishingikirizaho, nta hepfo nta no haruguru”. Nigute iyi misozi “Shinge na Rugero” yabyaye imvugo “Kubura Shinge na Rugero”?

Ubusanzwe, Shinge na Rugero ni imisozi ibiri itandukanye ariko ihana imbibi. Iherereye mu karere kahoze ari aka Bugesera, neza cyane mu ntara ya Kirundo. Kirundo ni imwe mu ntara 18 z’Uburundi. Iyi ntara iherereye mu majyaruguru y’igihugu, ihana imbibi ni gihugu cyimisozi igihumbi. Shinge na Rugero ni uduce twagaragayemo intambara zagiye zihuza ingabo zab’Abarundi barwana n’ingabo z’u Rwanda. “Mu gihe cy’intambara, ingabo za b’Abarundi babanje kwihagararaho ku musozi wa Shinge; ingabo z’u Rwanda zikambika ku musozi wa Rugero, nta n’umwe muri bo wigeze atsinda.

Ingabo z’Abarundi zagombaga gufata imisozi yombi Shinge na Rugero kugira ngo zizere ko zizagera ku ntsinzi ndetsr na Banyarwanda byari uko. » Dr Denis BUKURU, umwarimu muri kaminuza y’Uburundi.

Umushakashatsi mu by’amateka Aloys BATUNGWANAYO, atanga ibisobanuro byinshi ku mvugo “Kubura Shinge na Rugero” muri fesitivali yiswe IGIHUGU muri 2019. Ku bwe, mbere y’intambara ya SHINGE na UGERO, habaye indi ntambara y’ “Inzobe” ingabo zy’umwami w’u Burundi, MUTAGA SENYAMWIZA, n’ingabo z’u Rwanda, ku ngoma ya YUHI GAHINDIRO mu 1763 (13 Mata). Intambara Abanyarwanda batsinzwe.Ingamba zasakiraniye i Muharuro (Kirundo y’ubu). Kirundo yahoze yitwa Muharuro ihinduka Kirundo mu rwego rwo kwibuka ibirundo by’imirambo y’abarwanyi b’u Rwanda bazize iyi ntambara.

Gutsindwa ku rugamba rwa Muharuro….

“Umwami YUHI GAHINDIRO w’u Rwanda ntiyashizwe kubwo gutsindwa urugamba rw’i Muharuro. Yatangiye rero intambara yo kurwanya u Burundi mu 1775, ”ibi bikaba byaratangajwe na Aloys BATUNGWANAYO. Abanyarwanda baje gutera u Burundi. Ingabo z’umwami Mutaga Senyamwiza zaretse ingabo z’u Rwanda zirinjira. Izo ngabo z’u Rwanda bavuga ko zakambitse ku musozi wa Shinge. Usibye Shinge, izo ngabo zigambirira no kwigarurira umusozi wa Rugero , bahutiraho barahatera. Ariko, umutwe w’ingabo zu Rwanda zizahura n’ingabo zu Burundi zigabanyijemo imitwe itandukanye. Igice cya mbere cy’ingabo z’Uburundi cyatsinzwe n’ingabo z’u Rwanda. Muri icyo gikorwa, irindi tsinda ry’indobanure ry’ingabo z’Abarundi ryaba ryaranyuze ku musozi wa Shinge kugira ngo ritere inyuma y’ingabo z’u Rwanda mu gihe igice cya gatatu cy’indobanure cy’Abarundi cyari cyasigaye cyihishe inyuma y’umusozi wa Rugero.

Ingabo z’u Rwanda zigwa muri icyo gico mbere yo kugera ku musozi wa Rugero. Bivugwa ko ingabo z’Uburundi zatsinze iz’u Rwanda bitewe n’amayeri akomeye yakozwe n’ingabo z’Uburundi. Abanyarwanda, batsinzwe, batakaza umusozi wa Shinge, wari uwabo igihe intambara yatangiraga, na Rugero bifuzaga kugereka kuri Shinge. Binyuze muri iyi ntambara yahuje Abarundi n’Abanyarwanda niho havutse imvugo: “Kubura Shinge na Rugero”. Bigitangira, iyi mvugo kayoreshwaga mukuvuga ko abanyarwanda babuze Shinge bifuza gutata na Rugero, bakabibura byombi. Ariko, iyi mvugo yageze aho igira n’indi nyito ariyo: kutagira umuntu wiringira, nkuko dushobora kubisoma mu nkoranyamagambo ya Rundi-Igifaransa ya RODEGEM.